Azərbaycanın Cənub qaz dəhlizi üzrə xərcləri 2020-ci ildə 2,2 dəfədən çox azalacaq
2020-ci ildə Azərbaycanın “Cənub Qaz Dəhlizi” QSC-nin investisiyalar üzrə proqnozu təxminən 181 milyon dollara bərabərdir.
Bu barədə Dövlət Neft Şirkətinin (SOCAR) rəsmi nümayəndəsi İbrahim Əhmədov məlumat verib.
Onun sözlərinə görə, 2020-ci ilədək “Cənub Qaz Dəhlizi” QSC layihələri üzrə 9,9 milyard dollar investisiya qoyulub.
Əhmədov Caspian Barrel-ə bildirib ki, 2019-ci ildə Azərbaycanın Cənub Qaz dəhlizi layihələri üzrə kapital qoyuluşu təqribən 406 milyon dollar olub.
2020-ci il kapital xərclərinin 2,24 dəfə azalması artıq 2018-ci ildən “Şahdəniz-2” üzrə hasilatın başlanması və 2019-cu ildə podratçılarla müqavilələr üzrə maliyyə əməliyyatlarının yekunlaşdırılması, ötən il TANAP layihəsinin tam istismara hazır vəziyyətə gətirilməsi və TAP layihəsi üzrə işlərin 90%-dən artıq yekunlaşması ilə əlaqədardır.
Qeyd edək ki, 2018-ci il iyunun 30-dan 2020-ci ilə qədər artıq “Şahdəniz-2” layihəsi üzrə 3,75 mlrd kub metr qaz Türkiyə bazarında satıldı.
Yallız 2021-ci ildə “Şahdəniz-2” layihəsi üzrə hasil edilən qazın 6 milyard kub metrinin Türkiyə bazarında satılması planlaşdırılır.
“Şahdəniz-2” layihəsi üzrə 25 il müddətində 400 milyard kub metr qazın satışı nəzərdə tutulub. Bununla bağlı 2013-cü ilin 19 sentyabrında “Şahdəniz” konsorsumu iləAazərbaycan qazının alıcıları arasında alqı-satqı müqavilələri imzalanıb. Qazın 150 milyard kub metrini Türkiyə idxal edəcək, 200 milyard kub metrini İtaliya və 25 milyard kub metr olmaqla Yunanıstan və Bolqarıstan.
* “Cənub Qaz Dəhlizi” QSC Azərbaycan Respublikasının Prezidenti 25 fevral 2014-cü il tarixli Sərəncamı ilə yaradılıb. Məqsədi Azərbaycanın “Şahdıniz-2”, Cənubi Qafqaz Boru Kəməri sisteminin genişləndirilməsi (“SCPX”), Trans-Anadolu Boru Kəməri (“TANAP”) və Trans-Adriatik Boru Kəməri (“TAP”) layihələrindəki payının maliyyələşdirilməsini həyata keçirmək idi. QSC-nin səhmlərinin 49%-i İqtisadiyyat nazirliyinə, 51%-i isə SOCAR-a məxsusdur.
