Rusiyanın enerji nəhəngi “Gazprom” şirkəti Fransanın “Credit Agricole Corporate & Investment Bank” (“Credit Agricole CIB”) bankı ilə 5 illik 600 milyon avro dəyərində kredit müqaviləsi imzalayıb.
AZƏRTAC xəbər verir ki, bu barədə şirkət məlumat yayıb.
Bildirilir ki, bu, “Gazprom”un “Credit Agricole CIB”dən birbaşa maliyyələşmə təmin etmək üçün imzaladığı ikinci müqavilədir. İlk müqavilə 2017-ci ilin mart ayında imzalanıb və 700 milyon avro dəyərində olub.
“Gazprom”un bildirdiyinə görə, “Credit Agricole CIB”in Rusiya üzrə strategiyası bu ölkənin aparıcı və çoxmillətli şirkətləri ilə əməkdaşlıq etməkdir.
