Prezident İlham Əliyev oktyabrın 26-da 230 MVt gücündə Qaradağ Günəş Elektrik Stansiyasının rəsmi açılış mərasimində iştirak edib. Bu barədə dövlət başçısının saytında məlumat verilib.
Qaradağ Günəş Elektrik Stansiyasının tikintisinə 2022-ci ildə başlanılıb. Dəyəri $250 milyon olan layihə “Masdar” şirkəti (BƏƏ) tərəfindən həyata keçirilib.
Qaradağ Günəş Elektrik Stansiyasının işə salnması 110 min mənzili elektrik enerjisi ilə təmin etməyə, ildə 110 milyon kubmetr qaza qənaət etməyə və 265 min ton karbon qazı emissiyasının qarşısını almağa imkan verəcək. Bu layihə Azərbaycana istilik enerjisinin istehsalından asılılığı azaltmağa, bərpa olunan enerji mənbələrinin inkişaf etdirilməsi ilə bağlı hədəflərə çatmağa kömək edəcək.
Qaradağ Günəş Elektrik Stansiyasının fəaliyyəti nəticəsində Azərbaycanın enerji sistemində bərpa olunan enerjinin müəyyən edilmiş gücünün xüsusi çəkisi 16,5%-dən 21,2%-ə çatacaq.
