2023-cü ilin birinci yarısında magistral boru kəmərlərinin fəaliyyətindən Azərbaycanın gəlirləri 1 milyard 796 milyon 588,9 min manat ($1 milyard 57 milyon) təşkil edib ki, bu da 2022-ci ilin eyni dövrünün göstəricisindən 1,9% çoxdur.
Bu barədə “İnterfaks-Azərbaycan” agentliyinə hökumətdən məlumat verilib.
Xüsusilə, magistral neft kəmərlərinin (Bakı-Tbilisi-Ceyhan daxil olmaqla) fəaliyyətindən 535 milyon 337,2 min manat ($314,9 milyon -İF) gəlir əldə edilib. 2022-ci ilin yanvar-iyun ayları ilə müqayisədə gəlirlərin həcmi 12,5% azalıb.
Hökumətin məlumatına görə, 2023-cü ilin birinci yarısında magistral neft boru kəmərləri şəbəkəsində itkilər ötən ilin analoji dövrü ərzində 1,3 min tona qarşı 1,7 min ton (artım 30,8%) təşkil edib.
2023-cü ilin yanvar-iyun aylarında magistral qaz boru kəmərlərinin (Cənubi Qafqaz boru kəməri daxil olmaqla (Bakı-Tbilisi-Ərzurum- İF)) fəaliyyətindən Azərbaycanın gəlirləri 1 milyard 261 milyon 251,7 min manat ($741,9 milyon -İF) təşkil edib, ötən ilin birinci yarısı ilə müqayisədə artım 9,5% olub.
Birinci yarımilliyin yekunları üzrə magistral qaz boru kəmərlərinin itkiləri ötən ilin eyni dövrünün 24,8 milyon kubmetr göstəricisinə qarşı 38 milyon kubmetr (artım 53,2%) təşkil edib.
2023-cü ilin yanvar-iyun aylarında magistral neft kəmərləri ilə 19 milyon 649,7 min ton neft (artım 10,7%), qaz kəmərləri ilə 20 milyard 273,1 milyon kubmetr qaz (artım 1,9%) nəql edilib. Bununla yanaşı, magistral neft kəmərləri ilə nəqlin ümumi həcmində təxminən 76,5% Bakı-Tbilisi-Ceyhan boru kəmərinin, magistral qaz kəmərləri ilə nəqlin ümumi həcmində 53,8% Cənubi Qafqaz boru kəmərinin (Bakı-Tbilisi-Ərzurum – İF) payına düşür.
Xəbər verildiyi kimi, 2022-ci ildə magistral boru kəmərlərinin fəaliyyətindən Azərbaycanın gəlirləri 3 milyard 567 milyon 157 min manat təşkil edib ki, bu da 2021-ci ilin göstəricisindən 17% çoxdur.
Həmçinin, magistral neft kəmərlərinin fəaliyyətindən 1 milyard 238 milyon 913,7 min manat artım 3,4%), magistral qaz kəmərlərinin fəaliyyətindən – 2 milyard 243,1 min manat (artım 25,7%) gəlir əldə edilib.
