Qeyd edək ki, Azərbaycanla Türkiyə arasında İğdır-Naxçıvan qaz kəməri ilə bağlı anlaşma memorandumu 2020-ci il dekabrın 15-də imzalanıb.
Bakı və Ankara İğdır-Naxçıvan qaz kəmərinin tikintisini 2024-cü ildə başa çatdırmağı gözləyirlər, deyə Azərbaycanın xarici işlər naziri Ceyhun Bayramov bəyan edib.
“Türkiyənin xarici işlər naziri Hakan Fidan ilə danışıqlar zamanı iki ölkə arasında enerji əməkdaşlığını müzakirə etdik. Bu baxımdan, İğdır-Naxçıvan qaz kəməri layihəsinin həyata keçirilməsinin və onun 2024-cü ildə başa çatdırılmasının vacibliyini vurğulamaq istərdik”, deyə Bayramov Ankarada həmkarı Fidan Hakanla bu günkü birgə mətbuat konfransında bildirib.
Nazir vurğulayıb ki, ümumilikdə enerji sahəsində əməkdaşlıq Azərbaycan və Türkiyə arasında “əla əməkdaşlıq nümunələrindən biridir”.
“Cənub Qaz Dəhlizi Avrasiya regionunun enerji xəritəsini dəyişən layihələrdən biridir. Hazırda bu layihənin genişləndirilməsi və əlavə qaz həcmlərinin həm Türkiyə bazarına, həm də Türkiyə vasitəsilə Avropaya çatdırılması üçün konkret layihələr həyata keçirilir. Və yaxın aylarda biz bu işlərin nəticəsini görəcəyik”, – deyə Bayramov vurğulayıb.
Xəbər verildiyi kimi, İğdır-Naxçıvan qaz kəmərinin gücü ildə 500 milyon kubmetr təşkil edəcək. Bu, Azərbaycanın Naxçıvan Muxtar Respublikasına gündə 1,5 milyon kubmetr qaz verməyə imkan verəcək. Bu qaz kəməri ilə Azərbaycan qazı Türkiyədən NMR-ə çatdırılacaq.
Türkiyədə İğdır-Naxçıvan qaz kəmərinin uzunluğu təxminən 85 km olacaq. Layihə çərçivəsində bir qaz ölçmə stansiyasının tikintisi də nəzərdə tutulub.
