2022-ci ildə magistral boru kəmərlərinin fəaliyyətindən Azərbaycanın gəlirləri 3 milyard 567 milyon 157 min manat ($2,098 milyard) təşkil edib ki, bu da 2021-ci ilin göstəricisindən 17% çoxdur.
Bu barədə “İnterfaks-Azərbaycan” agentliyinə Dövlət Statistika Komitəsindən məlumat verilib.
Magistral neft kəmərlərinin (Bakı-Tbilisi-Ceyhan daxil olmaqla) fəaliyyətindən 1 milyard 238 milyon 913,7 min manat ($728,8 milyon) gəlir əldə edilib. 2021-ci illə müqayisədə gəlirlərin həcmi 3,4% artıb.
Magistral qaz kəmərlərinin fəaliyyətindən 2 milyard 328 milyon 243,1 min manat ($1,4 milyarda yaxın – İF) gəlir əldə edilib, artım 25,7% təşkil edib.
2022-ci ildə magistral neft kəmərləri ilə 37 milyon 781,5 min ton neft (artım 7,9%), qaz kəmərləri ilə 39 milyard 240,2 milyon kubmetr qaz (artım 11,8%) nəql edilib. Bununla yanaşı, magistral neft kəmərləri ilə nəqlin ümumi həcmində təxminən 78,7% Bakı-Tbilisi-Ceyhan boru kəmərinin, magistral qaz kəmərləri ilə nəqlin ümumi həcmində 53% Cənubi Qafqaz boru kəmərinin (Bakı-Tbilisi-Ərzurum – İF) payına düşür.
2021-ci ildə magistral boru kəmərlərinin fəaliyyətindən Azərbaycanın gəlirləri 3 milyard 49,505 milyon manat (2020-ci ilin göstəricisi ilə müqayisədə +31,2%) təşkil edib. Magistral neft kəmərlərinin fəaliyyətindən 1 milyard 197 milyon 649,8 min manat (artım 6,3%), magistral qaz kəmərlərinin fəaliyyətindən 1 milyard 851 milyon 856 min manat gəlir (artım 54,7%) əldə edilib.
