2023-cü ildə Azərbaycan qazının Türkiyəyə ixracı 9,3 milyard kubmetr təşkil edəcək. Bu barədə Azərbaycanın energetika naziri Pərviz Şahbazov bəyan edib.
“2018-ci il iyul ayından 2022-ci il oktyabr ayına qədər TANAP qaz kəməri ilə Türkiyəyə 18 milyard kubmetr qaz, həmçinin cari ilin 9 ayı ərzində – 4,2 milyard kubmetr qaz nəql olunub. Ümumilikdə, yanvar-sentyabr ayları ərzində Azərbaycan qazının Türkiyəyə nəqli 6,1 milyard kubmetr təşkil edib. 2023-cü ildə Azərbaycandan Türkiyəyə qaz ixracı 9,3 milyard kubmetrə çatacaq”, – Şahbazov cümə axşamı İstanbulda keçirilən Azərbaycan-Türkiyə II Enerji Forumunda bildirib.
“İnterfaks-Azərbaycan” qeyd edir ki, nazir həmçinin məlumat verib ki, Bakı Ankaranı Zəngəzur dəhlizi ilə həm Türkiyəyə, həm də sonra Avropaya nəql oluna bilən elektrik enerjisinin ixracı və tranziti üçün etibarlı tərəfdaş hesab edir.
Şahbazov vurğulayıb ki, Azərbaycan və Türkiyənin güclü enerji birliyi regional və Avropa miqyasında “tarixi zərurət və təhlükəsiz və davamlı enerji təchizatının qarantıdır”. Onun sözlərinə görə, xüsusilə enerji bööhranı şəraitində TANAP və TAP etibarlı tədarük simvolu oldu, Azərbaycan və Türkiyə isə enerji təhlükəsizliyinin davamlı təminatında strateji maraqlar təqdim edən ölkələrə çevrildilər.
Türkiyəyə “Şahdəniz” yatağının işlənməsi üzrə “Mərhələ-1” və “Mərhələ-2” çərçivəsində hasil olunan Azərbaycan qazı ixrac edilir.
2021-ci ildə Azərbaycan Türkiyəyə “Şahdəniz” yatağından hasil edilən 8 milyard 820,24 milyon kubmetr qaz (azalma 22,7%) ixrac edib.
2022-ci ildə Azərbaycan təxminən 22 milyard kubmetr qaz ixrac etməyi planlaşdırır. Bu həcmin 11,5 milyard kubmetri – Avropa, qalanı isə – Türkiyə və Gürcüstanın payına düşür.
