Azərbaycan 2022-ci ilin yanvar-fevral aylarında $12 milyon 446,43 min məbləğində (artım 1,8 dəfə) 13 min 827,82 ton (artım 15,9%) “Premium Euro-95” markalı avtomobil benzini idxal edib.
Bu barədə “İnterfaks-Azərbaycan” agentliyinə hökumətdən məlumat verilib.
Hesabat dövründə bu markalı benzin iki ölkədən – Rusiya və Rumıniyadan idxal edilib.
Xüsusilə, Rusiyadan $6 milyon 519,07 min dəyərində (artım 3,6%) 7 min 167,46 ton (azalma 32,7%) benzin idxal edilib. “Premium Euro-95” markalı benzin idxalının 51,8%-i bu ölkənin payına düşüb.
Rumıniyadan $5 milyon 927,37 min dəyərində 6 min 660,36 ton benzin idxal edilib.
Yanvar-fevral aylarında Azərbaycana “Super Euro-98” markalı avtomobil benzini idxalı $292,62 min (аrtım 55,6%) dəyərində 267,29 ton (аrtım 11,4%) təşkil edib. Bütün həcm Rumıniyanın payına düşüb.
Azərbaycan 2021-ci ildə $111 milyon 106,15 min dəyərində (artım 1,9 dəfə) 147 min 412,23 ton “Premium Euro-95” markalı avtomobil benzini (artım 52%) idxal edib.
2021-ci ildə Azərbaycana $2 milyon 395,07 min dəyərində (artım 14,2%) 2 min 684,79 ton (artım 1,1%) “Super Euro-98” avtomobil benzini idxal edilib.
“Premium Euro-95” və “Super Euro-98” markalı benzin növlərinin Azərbaycana idxalına 2014-cü il aprelin 1-dən başlanılıb.
Hazırda daxili bazarda “Premium Euro-95” markalı benzinin 1 litri 1,6 manat, “Super Euro-98” markalı benzinin 1 litri 1,8 manat, Aİ-92 markalı benzinin 1 litri 1 manat, dizel yanacağının 1 litri 0,8 manat təşkil edir.
