2022-ci ilin yanvar-fevral aylarında Azərbaycan gömrük bəyannamələrinə əsasən (nomenklatura kodu 2709) 4 milyon 900 min 369,59 ton neft ixrac edib ki, bu da 2021-ci ilin yanvar-fevral aylarının göstəricisindən 13,9% azdır.
Bu barədə “İnterfaks-Azərbaycan” agentliyinə Dövlət Gömrük Komitəsindən (DGK) məlumat verilib.
Hesabat dövründə Azərbaycandan $2 milyard 943 milyon 901,18 min dəyərində (artım 44%) neft ixrac edilib.
Yanvar-fevralda ixracın ümumi strukturunda neftin payı 49,33% (2021-ci ilin yanvar-fevralında 73,33% – İF) təşkil edib.
“İnterfaks-Azərbaycan” agentliyinin hesablamalarına əsasən, yanvar-fevralda Azərbaycan neftinin bir barelinin orta qiyməti $80,1 təşkil edib.
Yanvar-fevralda 17 ölkə Azərbaycan neftinin alıcısı olub. İtaliya, ənənəvi olaraq, Azərbaycan neftinin əsas alıcısı olaraq qalıb. Yanvar-fevral ayları ərzində neft ixracının 43,3%-i bu ölkənin payına düşüb.
Alıcıların ilk üçlüyünə İtaliya ilə yanaşı, İsrail və Ukrayna da daxil olub.
Bütövlükdə, Azərbaycan nefti əsasən Avropa ölkələrinə ixrac edilsə də, Tailand, Tunis, Türkiyə daimi alıcılar olaraq qalır. Fevralda alıcılar siyahısında Çin, Vyetnam, Xorvatiya, Fransa, Kanada, İndoneziya, və bir sıra digər ölkələr yer almayıb.
Yanvar-fevralda əsas alıcı ölkələr üzrə neft ixracının strukturu:
| Ölkələr | Həcm (ton) | Gəlir (min ABŞ dollları) |
| İtaliya | 2 122632,74 | 1 287893,36 |
| İsrail | 431 406.11 | 257 602.47 |
| Ukrayna | 422613,20 | 245169,14 |
| Portuqaliya | 292112,67 | 181664,26 |
| Tailand | 276690,64 | 161353,10 |
| Böyük Britaniya | 216 909,17 | 125 597,10 |
| Tunis | 186365,64 | 120122,11 |
| Hindistan | 136966,25 | 90152,11 |
| Çexiya | 163 459,94 | 89 192,64 |
| İspaniya | 132 852,84 | 75 689,23 |
| Belarus | 84893,31 | 57590,07 |
| Avstriya | 82901,03 | 55781,16 |
| Rumıniya | 90527,47 | 54093,23 |
| Almaniya | 91 762,54 | 50 535,73 |
| İrlandiya | 88 077,58 | 50 060,05 |
| Türkiyə | 80 116,78 | 41 364,46 |
| Rusiya | 81,69 | 40,96 |
