2021-ci ildə elektrik enerjisinin ixracı 1 milyard 673,4 milyon kVt·st təşkil edib, bu da 2020-ci ilin göstəricisindən 45,4% çoxdur. Bu barədə “İnterfaks-Azərbaycan” agentliyinə Energetika Nazirliyindən məlumat verilib.
Elektrik enerjisi ixracının böyük həcmi Türkiyə və Gürcüstanın payına düşüb. Xüsusilə, ötən il Türkiyəyə 720,6 milyon kVt·st (artım 7 dəfə) elektrik enerjisi ixrac olunub. Gürcüstana elektrik enerjisinin ixracı 600,1 milyon kVt·st (azalma 17,4%) təşkil edib.
Bundan başqa, ötən il Rusiya və İrana elektrik enerjisi ixrac olunub. 2021-ci il ərzində Rusiyaya 95,2 milyon kVt·st (azalma 19,7%), İrana – 257,5 milyon kVt·st (artım 26,2%) elektrik enerjisi ixrac edilib.
Nazirliyin məlumatına görə, 2021-ci ildə Azərbaycana elektrik enerjisi idxalı 151,6 milyon kVt·saatı ötüb (artım 11,%). İdxalın ümumi həcmindən 31,9 milyon kVt·st İranın, 95,1 milyon kVt·st – Rusiyanın, 24,6 milyon kVt·st – Gürcüstanın payına düşüb.
Daha əvvəl prezident İlham Əliyev bəyan edib ki, 2021-ci ildə Azərbaycan rekord həcmdə elektrik enerjisi ixrac edib.
