“2030-cü ilə qədər dünyada enerji sektoruna investisiyalar 3 dəfə artmalıdır ki, qlobal miqyasda xalis sıfır karbon emissiyası hədəfinə çatılsın”.
“Report” xəbər verir ki, bunu energetika naziri Pərviz Şahbazov Mərkəzi Asiya Regional İqtisadi Əməkdaşlıq Təşkilatı (CAREC) ölkələrinin enerji forumunda bildirib.
O, Azərbaycanın bu istiqamətdə atdığı addımlardan danışıb və bildirib ki, işğaldan azad edilmiş ərazilərdə “yaşıl enerji” zonaları yaradılır, həmçinin ölkənin bərpa olunan enerji potensialından istifadə etmək üçün külək və günəş enerji stansiyalarının tikintisi ilə bağlı xarici şirkətlərlə razılıq əldə olunub.
