logo

SOCAR Avropaya növbəti qaz tədarükünün bəzi detallarını açıqladı

Views: 324

Azərbaycan Cənub Qaz Dəhlizinin buraxıcılıq gücünün artması ilə Qərbi Balkan regionunda yeni qaz satışı bazarlarına çıxış əldə etməyi planlaşdırır

Caspian Barrel bildiri ki, bu barədə SOCAR-ın sərmayələr və marketinq üzrə vitse-prezidenti Elşad Nəsirov Xəzər Siyasi Mərkəzinin bu gün keçirdiyi onlayn müzakirə zamanı bəyan edib.

Onun sözlərinə görə, Azərbaycan Avropaya növbəti qaz tədarükü mərhələsində Albaniya və Qərbi Balkan regionun digər ölkələrinin vətəndaşları üçün imkanları nəzərdən keçirir.

SOCAR rəsmisi Avropaya qaz tədarükü zamanı digər ölkələrə məxsus mavi yanacağın nəqli məsələsinin də gündəmdə olduğunu bildirib. “Şərqi Aralıq dənizindən, İsrail qazı da daxil olmaqla, əlavə qaz həcmlərinə ümid edirik və bunu səbirsizliklə gözləyirik”, – vitse-prezident əlavə edib.

Qeyd edək ki, 2020-ci il dekabrın 31-dən Cənub Qaz Dəhlizi ilə Azərbaycanın “Şahdəniz-2” layihəsi çərçivəsində qaz həcmlərinin Avropadakı istehlakçılara çatdırılması əməliyyatlarına start verilib. Bu layihə çərçivəsində Trans-Adriatik Boru kəməri (TAP) ilə Yunanıstan, Bolqarıstan və İtaliya 25 il müddətində Azərbaycandan ildə 10 milyard kub mert qaz alacaqlar. Cənub Qaz Dəhlizi ilə həmçinin Türkiyəyə “Şahdəniz-2” layihəsindən ildə 6 milyard kub metr qaz ixrac edilir.

Azərbaycan düşünür ki, cari onilliyin ortasında TAP-ın buraxıcılıq gücünü 2 dəfə artırmaqla Avropaya həm Azərbaycanın əlavə qaz həcmlərini, həm də qaz ixracında marağı olan digər  ölkələrin mavi yanacağını çatdra bilər.