2020-ci ildə Rusiyanın ixrac etdiyi əsas xam neft markası – “Urals” markasının orta qiyməti 2019-cu ilin səviyyəsinə nisbətən 34,4% azalıb və bir barel üçün 41,73 dollar təşkil edib
Caspian Barrel Rusiya Maliyyə Nazirliyinə istinadən bildirir ki, “Urals” markalı neftin 2020-ci ilin yanvar-dekabr aylarında orta qiyməti bir barel üçün 41,73 dollar, 2019-cu ilin müvafiq dövründəki qiyməti isə 63,59 dollar təşkil edib.
Eyni zamanda “Urals” markalı neftinin 2020-ci ilin dekabr ayında qiyməti bir barel üçün 49,37 dollar olub ki, bu da 2019-cu ilin dekabr ayına nisbətən 1,3 dəfə ucuzdur.
Qeyd edək ki, Xəzəryanı ölkələr içərisində Rusiya neft ixracına görə ən nəhəngi hesab olunur. 2020-ci ildə Rusiya 512,7 milyon ton və ya gündəlik olaraq 10,27 mln barel neft hasil edib. Rusiya ötən il hasil etdiyi neftin 232,5 milyon tonunu və ya gündəlik olaraq təqribən 4,7 milyon barelini ixraca yönəldib.
