Rusiya 2020-ci ildə 225 mln. ton neft ixrac etməyi planlaşdırır ki, bu da “OPEC+” ölkələrindəki məhdudiyyətlər fonunda 2019-cu illə müqayisədə 16,4% azdır
“Finans.az” xəbər verir ki, bu barədə Rusiya Dövlət Dumasının Büdcə və vergilər komitəsinin iclasında çıxış edərkən Energetika naziri Aleksandr Novak deyib.
“Bu il neft hasilatı təxminən 10% azalaraq 507 mln. ton səviyyəsinə düşəcək, ilkin plan isə 558-560 mln. ton idi”, – deyə A. Novak qeyd edib.
Nazir 2021-2023-cü illərdə tələbatla əlaqədar olaraq istehsalın 518 tondan 560 mln. tonadək artırılmasının planlaşdırıldığını də bildirib: “Yəni pandemiyadan əvvəlki səviyyələrin bərpasını gözləyirik. Əlbəttə, “OPEC+” sazişindəki məhdudiyyətlər bu göstəricilərə təsir edəcək”.
Novak əlavə edib ki, 2021-2023-cü illərdə Rusiyanın neft ixracının 231-266 mln. tona, yəni böhrandan əvvəlki səviyyəyə çatdırılacağı planlaşdırılır.
