Rusiyanın özəl şirkəti “LUKoil” Çindən tələbin azalması səbəbindən Özbəkistandakı “Hisar” layihəsində qaz hasilatını tam dayandırdı və həmçinin aktivlərin dəyərsizləşməsini 36 milyard rubl və ya 484 milyon ABŞ dollarından çox olmasını bəyan etdi.
Bu barədə bu günlərdə şirkətin vitse-prezidenti Pavel Jdanov videokonfrans zamanı açıqlama verib.
Pandemiya yalnız Çindən qaz tələbinin azalmasına gətirib çıxarmadı, eyni zamanda maye qazın qiymətinin (LNG) boru kəməri qazın qiymətindən Çin bazarında daha ucuz satılmasına səbəb oldu.
“Nəticədə Çin tərəfindən Özbəkistan qazının alınması tədricən azalmağa başladı. Bu baxımdan Özbəkistandakı layihələrimiz çərçivəsində istehsal həcmini get-gedə azaltmaq məcburiyyətində qaldıq. Hazırda gündəlik istehsalın həcmi layihə gücünün təxminən 20% -ni təşkil edir. Üstəlik, “Hisar” layihəsi çərçivəsində istehsal tamamilə dayandırılıb” , – deyə Jdanov bildirib.
Eyni zamanda, Özbəkistanda artıq istehsal edilmiş qazın böyük bir hissəsi ixrac edilməmiş və daxili bazarda satılmışdır.
“Çinin Özbəkistan qazının alışını tədricən bərpa etməsinə baxmayaraq, layihələrimizdən çıxan qaz hələ də ixrac edilməyib. Özbəkistanla bununla bağlı danışıqlar aparırıq. Bununla belə 2020-ci ildə daxili bazarda qaz satmaq barədə artıq razılıq əldə etmişik”, – deyə “Lukoil”un vitse-prezidenti bildirib.
“Hisar” layihəsi üzrə “Lukoil” Özbəkistanın dövlət şirkəti “Özbəkneftqaz” ilə 2007-ci ildə müqavilə imzalayıb. Müqavilənin müddəti 2043-cü ildə bitir. Müqavilə sahəsi Özbəkistanın Qaşqadərya bölgəsində yerləşir və burada 7 yataq var. “Hisar” layihəsi üzrə ilk qaz 2011-ci ilin dekabrında hasil edilməyə başlanılıb.
