ABŞ hökumətinin Enerji Məlumatları Administrasiyası (EIA) bu il Azərbaycanda orta gündəlik neft hasilatının 750 min barel olacağını proqnozlaşdırır.
“Report” xəbər verir ki, bu barədə EIA-ın aprel ayı hesabatında qeyd edilib.
Hesabata əsasən, 2021-ci ildə Azərbaycanda gündəlik neft hasilatı 730 min barel proqnozlaşdırılır.
Qeyd edək ki, əvvəlki hesabatda bu il üzrə Azərbaycanda orta gündəlik neft hasilatı proqnozu 770 min barel, 2021-ci il üzrə isə 750 min barel idi.
