Növbəti YDM isə Qaradağ rayonu ərazisində istifadəyə veriləcək
“Azpetrol” şirkəti Azərbaycanda yanacaqdoldurma məntəqələri (YDM) şəbəkəsini genişləndirir. Bu barədə şirkətin məlumatında deyilir.
“Mayın 6-da “Azpetrol” Masazır qəsəbəsində yeni yanacaqdoldurma məntəqəsi açıb. Bu, şirkətin sayca 87-ci yanacaqdoldurma məntəqəsidir”, – deyə məlumatda bildirilir.
Qeyd olunur ki, yeni məntəqənin istifadəyə verilməsi ilə 41 daimi iş yeri açılıb. “Azpetrol” yanacaqdoldurma məntəqələri şəbəkəsini genişləndirməyi planlaşdırır. “Şirkət iyulun 15-də Bakının Qaradağ rayonunda daha bir YDM açacaq”, – deyə məlumatda vurğulanır.
