Azərbaycan hökuməti 2018-2020-ci illərdə ölkədə ümumi neft hasilatını 117 mln. 791,2 min ton səviyyəsində proqnozlaşdırır. Bu barədə “İnterfaks-Azərbaycan” agentliyinə hökumətdən məlumat verilib.
“Hökumətin proqnozlarına əsasən, 2018-ci ildə ölkədə 38 mln. 769,4 min ton, 2019-cu ildə 39 mln. 914,2 min ton, 2020-ci ildə 39 mln. 107,6 min ton neft hasil olunacaq”, – deyə məlumatda bildirilir.
2020-ci ildə neft hasilatının həcmi 2016-cı ilin göstəricisi ilə müqayisədə 5,3% azalacaq.
Xəbər verildiyi kimi, 2016-cı ilin yekunları üzrə hökumət neft hasilatını 41 mln. 306,4 min ton, 2017-ci ildə 39 mln. 796,6 min ton səviyyəsində gözləyir.
2015-ci ildə Azərbaycanda 41 mln. 628,3 min ton neft hasil edilib.
