“Şahdəniz-2” layihəsi üzrə işlər uğurla davam etdirilir və qrafik üzrə irəliləyir.
“APA-Economics”in məlumata görə, bunu SOCAR rəhbərliyinin ölkədə fəaliyyət göstərən qeyri-hökumət təşkilatlarının rəhbərləri ilə görüşündə SOCAR-ın Sərmayələr İdarəsinin rəisi Vaqif Əliyev bildirib.
Onun sözlərinə görə, bu ilin aprel 30-na layihədə nəzərdə tutulan 26 quyudan 9-u qazılıb. O bildirib ki, aprel ayında ilk qazın hasilatı üzrə görüləcək işlərin səviyyəsi qrafikdən 2,5% irəlidədir: ”Layihə üzrə ümumi işlərin 74,2% həcmində yerinə yetirilib. Baxmayaraq ki, burada plan 71,7% təşkil edir”.
V. Əliyev deyib ki, 2014-2020-ci illər üzrə “Şahdəniz-2” layihəsinin ümumi kapital xərcləri inflyasiya nəzərə alınmaqla 24 milyard dollar edir ki, bu məbləğin artıq 12 milyard dolları istifadə olunub.
Qeyd edək ki, “Şahdəniz-2” layihəsi üzrə ilk qazın 2018-ci ilin iyununda hasil edilməsi planlaşdırılır.
