Türkiyənin Enerji Bazarının Tənzimləmə İdarəsinin (EPDK) hesabatında deyilir ki,2016-cı ildə Türkiyə ilk dəfə ABŞ-dan 83 milyon kub metr qaz idxal edib ki,bu da istehlak edilən LNG-nin 7.15% təşkil edib.
Məlumata görə, ilin birinci rübündə Türkiyə Qətərdən 437 milyon kub metr mayeləşmiş qaz,468 milyon kub metr Əlcəzairdən, və 171 milyon kub metr mayeləşmiş qaz isə Nigeriyadan idxal edilib. Ankara Əlcəzair və Nigeriya ilə müvafiq olaraq 4.4 və 1.2 milyard kub metr mayeləşmiş qazın idxalı barədə müqavilələri var.
Türkiyə həmçinin Azərbaycandan take or pay müqaviləsi əsasında ildə 6 milyard kub metr qaz idxal edir. Rusiyadan boru kəmərləri ilə idxal edilən qazın həcmi təxminən 27 milyard kub metr təşkil edir.
