“Lukoil-Nijnevoljskneft” şirkətinin direktor müavini Qennadi Ordenov bildirib ki, Şimali Xəzərdə Yuri Kuvıkina adına neft yatağının işlənməsinə 2024-cü ildə başlanacaq.
“Kuvıkina qaz-kondensat yatağının işlənməsinə 2024-cü ildə başlanması gözlənilir.Hal-hazırda prefid mərhələsi başa çatıb və istehsal mərhələsinin layihələndirilməsinə keçilib. Qaz Filanovski adına yatağa nəql ediləcək”, – deyə Ordenov dəqiqləşdirib.
O, qeyd edib ki,ehtiyatları C1 və C2 kateqoriyası üzrə 30 milyon ton olan “Rakuşeçnoye” yatağı üzrə işlər başlayır.Konseysiya-dizayn mərhələsində layihənin çərçivələri müəyyənləşdiriləcək. 2015-ci ilin sonunda layihə prefid mərhələsinə keçriləcək.
Kuvıkina adına yataq 2002-ci ildə aşkar edilib və hasil edilə bilən ehtiyatları 1.2 milyard barel neft ekvivalentində qiymətləndirilir. ”Rakuşeçnoye” yatağı isə 2008-ci ildə aşkar edilib.
