2015-ci ilin üçüncü rübündə BP şirkətinin rüblük gəliri keçən ilin analoji dövrü ilə müqayisədə 40% azalaraq $1,82 milyard təşkil edib.
Son rübdə BP şirkətinin xalis mənfəəti 96.4% azalaraq $46 milyon olub. Yanvar-sentyabrda şirkət bir il əvvəlki $ 8.187 milyard xalis mənfəətə qarşı $ 3.175 milyard xalis zərər qeydə alıb.
Şirkətin ümumi hasilatı gündə 2.242 milyon barel təşkil edib ki,bu da bir il əvvəlki göstəricidən 4.4% çoxdur.
BP şirkətinin downstream (emal və satış) seqmentində gəliri 3-cü rübdə $2,3 milyarda qədər artıb. Upstream (kəşfiyyat və hasilat) seqmentində isə gəlirlər 5 dəfə azalıb – $823 milyona qədər.
BP kapital xərcləri proqnozunu ən azı $20 milyarda qədər azaldıb.
