Rusiya Federal Gömrük Xidmətinin (FCS) məlumatlarına görə, 2015-ci ilin yanvar-iyununda Rusiyanın neft ixracından əldə etdiyi gəlirlər ötən ilin eyni dövrü ilə müqayisədə 1,68 dəfə azalaraq 48,102 milyard dollar təşkil edib.
Bu ilin yanvar-iyununda Rusiya 120.512 milyon ton (2014-ci ilin eyni dövrü ilə müqayisədə 9,8% artım) xam neft ixrac edib.
Uzaq xaric ölkələrinə neft ixracı 11,5% artıb – 109,199 milyon tona qədər. Pul baxımından, tədarükün həcmi (2014-ci illin yanvar-iyunu ilə müqayisədə 1,69 dəfə az) 44.982 milyard dollar təşkil edib.
MDB ölkələrinə neft ixracı 4,8% azalıb – 11,313 milyon tona qədər, pul ilə ifadədə isə 44.6% azalma qeydə alınıb – 3,120 milyard dollar.
2015-ci ilin yanvar-iyununda neft məhsullarının ixracı 2014-ci ilin analoji dövrü ilə müqayisədə 16,5% artaraq – 92.378 milyon ton olub. Pul baxımından göstərici ötən ilin eyni dövrünün 57,919 milyard dollarına qarşı 39,013 milyard dollar təşkil edib.
