Cari ilin 1 iyun tarixinə olan məlumata görə, 2007-ci ildən Dövlət neft fondunun “Şahdəniz” qaz-kondensat yatağının işlənməsindən əldə etdiyi gəlirlər $2 milyard 278 milyon təşkil edib.
Fondda bildiriblər ki, 2015-ci ilin yanvar-mayında “Şahdəniz” layihəsi çərçivəsində ARDNF-na $158,2,o cümlədən mayda $41 vəsait daxil olub.
“Şahdəniz” yatağının ehtiyatları 1,2 trilyon kubmetr qaz həcmində qiymətləndirilir. Onun işlənməsi haqqında müqavilə 1996-cı ilin 4 iyununda imzalanıb.
Müqavilənin tərəfləri arasında pay bölgüsü aşağıdakı kimidir: BP – operator (28,8%), TPAO (19%), Petronas (15,5%), ARDNŞ (10%), LUKoil (10%), Nico (10%) və Sgc Upstream (6,7%).
Dövlət Neft Fondu 1999-cu ilin dekabrında yaradılıb, lakin 2001-ci ildə fəaliyyətə başlayıb. O zaman onun aktivləri 271 milyon dollar təşkil edib.
1 aprel 2015-ci il tarixinə ARDNF-nin aktivləri 2015-ci ilin əvvəli ilə ($37 104,1mln) müqayisədə 5.86% faiz azalaraq $34 930,5 mln təşkil edib.
