“Novosti-Kazakstan” agentliyi energetika naziri Vladimir Skolnikə istinadən xəbər verir ki, “Kaşağan” yatağında neft hasilatı 2016-cı ilin dekabrında başlaya bilər.
“Kaşağanda qrafikə uyğun olaraq təmir işləri aparılır. Hər şeydən öncə keyfiyyətsiz olan boru kəmərlərində. 2016-cı ilin dekabrında iş başa çatmalıdır”,- deyə Şkolnik jurnalistlərə bildirib.
“Kaşağan”da neft hasilatı 2013-cü ilin sentyabrında hasilat başladıqdan 2 həftə sonra qaz sızması səbəbindən dayandırılmışdı. 2013-cü ilin oktyabrında hasilatın bərpasından sonra başqa bir sızma aşkarlanmışdı. Bir neçə ay ərzində aparılan analizlər nəticəsində məlum olmuşdu ki, sualtı borularda çatların əmələ gəlməsininə səbəb tərkibində kükürd olan səmt qazının təsiri olub.
