Federal Gömrük Xidmətinin verdiyi məlumata görə,2015-ci yanvar-fevralında Rusiyadan tədarük edilən qazın orta qiyməti keçən ilin analoji dövrü ilə müqayisədə 19.5% azalaraq min kub metr üçün $269 təşkil edib.
2014-cü ilin yanvar-fevralında tədarük edilən qazın orta qiyməti min kub metr üçün $334 olmuşdu.
Xəbər verildiyi kimi,”Qazprom” şirkətinin yanvar-fevralda qaz tədarükündən əldə etdiyi gəlirlər ötən ilin eyni dövrü ilə müqayisədə 1.7 dəfə azalaraq $7,4 milyard təşkil edib. Eyni zamanda,hesabat dövründə “Qazprom” qaz ixracını 37.4 milyard kub metrdən 27.5 milyard kub metrə qədər azaldıb. Uzaq xaricə qaz ixracı 18.7 milyard kub metr,yaxın xaricə isə 8.8 milyard kub metr təşkil edib.
