Rusiyanın energetika naziri Aleksandr Novak “Rossiya 24” kanalına müsahibəsində bildirib ki,”Türk axını” boru kəmərinin mümkün marşrutu Yunanıstan, Makedoniya, Serbiya,Macarıstandan keçərək Avstriyaya – Baumgartnerə qədər uzana bilər. Ancaq qərarı AB qəbul etməlidir.
O, qeyd edib ki, Rusiya “Türx axını” kəmərinin keçəcəyi ölkələr ilə fəal danışıqlar aparır.
Bununla o qeyd edib ki, marşrut Serbiya və Macarıstan ərazisində “Cənub Axını” üçün nəzərdə tutulan marşrut ilə eyni ola bilər. “Ölkələr indi bu ilə məşğul olurlar, onlar belə bir infrastrukturun tikintisini müzakirə edirilər”, – deyə o əlavə edib.
2014-cü ilin dekabrında Rusiya “Cənub Axını” kəmərinin inşasından imtina etmişdi. Layihə Avropa Birliyinin mövqeyi üzündən dayandırılmışdı. Əvəzində Türkiyəyə boru kəməri inşa etmək və Yunanıstan ilə sərhəddə Cənubi Avropa istehlakçıları üçün hab yaratmaq qərara alınıb.
