“KazMunayGaz” şirkətində “Nabors Drilling International Limited” ilə “KMG Drilling and Service” birgə müəssisənin yaradılmasına dair sənəd imzalanıb.
İmza mərasimində Qazaxıstanın energetika nazirinin müavini Uzakbay Karabalin,”KMG” idarə heyətinin sədri Sauat Mınbayev,”Tengizşevroyl” şirkətinin direktoru Ted Etçinson iştirak edib. Sənədi “Nabors” şirkətinin vitse-prezidenti Jon Qass və “KMG Drilling and Service” şirkətinin prezidenti Andar Şukputov imzalayıb.
Yeni birgə müəssisə cari iş proqramı və gələcək genişləndirmə layihələri çərçivəsində Tengiz yatağında qazma işlərini həyata keçirəcək.
“KMG Nabors Drilling International Limited” “Tengizşevroyl” şirkətinin Qazaxıstan höküməti qarşısındakı öhdəlikləri çərçivəsində yaradılıb.
Müqaviləyə əsasən “Tengzişevroyl” birgə müəssənin xərclərini maliyyələşdirəcək. Birgə müəssisənin yaradılması layihədə yerli istehsalın payını artıracaq,xarici təcrübəni və texnologiyanı öyrənməyə imkan verəcək.
Birgə müəssisənin ofisi Atırauda yerləşəcək.
