Avropa Komissiyası (AK) Azərbaycan və Türkmənistana Transxəzər qaz kəmərinin çəkilməsi üzrə anlaşma memorandumunu yeniləmək təklifi edib. Bu barədə Avropa Komissiyasının energetika üzrə müavini Maroş Şefçoviç “Kommersant” qəzetinə müsahibəsində bildirib.
“2011-ci ildən Avropa Komissiyası Transxəzər qaz kəmərinin çəkilişi üzrə Türkmənistan və Azərbaycan ilə anlaşma memorandumu çərçivəsində danışıqlar üçün mandat var idi. İndi biz Azərbaycan və Türkmənistana bu memorandumu yeniləmək təklifi etmişik və cavabı gözləyirik” – deyə o bildirib.
Bundan əlavə, Avropa Komissiyası sədrinin müavini Cənub qaz dəhlizi çərçivəsində İraq və İrandan qaz tədarükünün ola biləcəyini deyib.
Transxəzər qaz kəməri layihəsi Türkmənistanın şərq yataqlarından Türrkiyənin Ərzurum şəhərinə və daha sonra isə Avropaya qaz nəqlini nəzərdə tutur.
