“KazMunayGaz” şirkətinin məlumatında bildirilir ki,”Qazaxıstanın 3 neft emalı zavodunda 2014-cü ilin yanvar-dekabrında neft emalı 14.911 milyon ton təşkil edib. 2013-cü illə müqayisədə neft emalı həcmi 4% artıb”.
Faktiki olaraq,bütün göstəricilər üzrə artım müşahidə olunur. 2014-cü ildə 2.9 milyon ton avtomobil benzini,həmçinin 1.9 milyon ton Aİ-92 benzini istehsal edilib. Müqayisə üçün,2013-cü ildə 2.6 milyon ton avtomobil benzini istehsal edilmişdi.
2015-ci ildə Qazaxıstan Respublikasının energetika nazirliyi tərəfindən təsdiq edilmiş neft emalı və neft məhsulları istehsalı planına uyğun olaraq 2015-ci ildə 14 328 min ton neft emal ediləcək.