Yeni ildən “Statoil Azerbaijan” şirkətində ştatda olan işçilərin kütləvi ixtisarına start veriləcək.
Caspian Barrel-ə neft sənayesindəki mənbələrdən daxil olan məlumatlara görə, gələn ilin yanvar ayından Norveç şirkəti Bakıdakı ofisinin əməkdaşlarının təqribən yarısını azaltmaq niyyətindədir.
Hal-hazırda “Statoil Azerbaijan” şirkətində ştatda olan işçilərin sayı 40 nəfərə yaxındır.
Qeyd edək ki, “Statoil Azerbaijan” şirkətinin işçilərinin azaldılması təkcə neftin qiymətlərinin cari ildə 45%-dək ucuzlaşması səbəbi ilə əlaqədar deyil. Belə ki, Bir il ərzində Norveç şirkəti Azərbaycanın ən iri qaz layihəsi olan “Şahdəniz”dəki və Cənub-Qafqaz boru kəməri layihəsindəki payını əvvəlcə 25,5%-dən 15,5%-ə endirdi, sonra isə bu layihələri tamamilə tərk etmək qərarına gəldi.
Hazırda “Statoil” Azərbaycanda “Azəri-Çıraq-Günəli” və Bakı-Tbilisi-Ceyhan layihələrində müvafiq olaraq 8,6% və 8,7% payla təmsil olunur.