“OilNews.kz” portalı xəbər verir ki,Qazaxıstanın “KazTrans Oil” şirkəti Tuymazı-Omsk-Novosibirsk kəmərinin yenidən qurulmasını planlaşdırır.
“Şimali Qazaxıstan ərazisi ilə Tuymazı-Omsk-Novosibirsk kəməri keçir. Kəmər ilə nəql edilən neft bizim neft emalı zavodlarına və Çin Xalq Respublikasına tədarük edilir. Hazırda bu həcm 7 milyon ton təşkil edir. Gələcəkdə bu həcm 10 milyon tona çatdırıla bilər. Ona görə də,biz kəmərin xətt hissəsini əvəzləməyə başlamışıq ki,kəmərin gücü 12 milyon tona çatsın”. – deyə “KazTransOi”l direktoru Kairqeldi Kabıldin bildirib.
Kairqeldi Kabıldinin sözlərinə görə,cari ildə neft kəmərinin 40 km-lik hissəsinin təmiri artıq başlayıb və 2015-ci ildə yerdə qalan 150 km hissəsinin təmiri başa çatıb.
Yenidənqurma işləri əsasında yeni nasos stansiyası inşa ediləcək.
Qeyd edək ki,cari ildə təsdiq olunmuş qrafikə əsasən Rusiya Çinə 15.6 milyon ton neft tədarük edəcək.
