Dünyanın ikinci ən böyük neft xidmətləri təchizatçısı “Halliburton Co.” şirkəti “Baker Hughes İnc.” şirkətini $34,6 milyarda alır. Bu barədə iki şirkətin birgə bəyanatında bildirilir.
“Halliburton”un “Baker Hughes”in bir səhmi üçün təklifi $78,62 təşkil edib. Sövdələşmə başa çatdıqdan sonra “Baker Hughes” səhmdarları səhmlərin 36% malik olacaqlar.
“Halliburton” “Baker Hughes” şirkətini öz pul vəsaiti və səhmləri ilə alır. Sövdələşmədə “Baker Hughes” şirkətinin nizamnamə kapitalı $34,6 milyard,şirkətin dəyəri isə borcla birlikdə – $38 milyard qiymətləndirilib.
Birləşmədən sonra şirkətlər bu sahənin aparıcı şirkəti olan “Schlumberger”ə qarşı rəqabət üstünlükləri əldə edəcəklər.
2013-cü ildə “Halliburton” şirkətinin gəliri $29,4 milyard, “Baker Hughes” şirkətinin gəliri isə $22,4 milyard dollar təşkil edib.
