Türkmənistanın neft hasilatçısı Dragon Oil Petroceltiki almaq niyyətindədir

Reuters xəbər verir ki,Türkmənistanda neft hasilatı edən Dragon Oil şirkəti İrlandiyanın Petroceltik şirkətinin alınması üçün 500 milyon funt sterlinq ($800 milyon) təklif edib.
Dargon Oil Petrocelticin bir adi səhminə 230 pens təklif edib ki,bu da onun hazırki bazar qiymətindın 35% çoxdur. Bu təklif son deyil və hələ Dragon Oil şirkətinin ən böyük səhmdarları tərəfindən təsdiq edilməlidir.
Petroceltic şirkətindən bildiriblər ki,Dragon Oil şirkətinin təklifi ətraflı müzakirə edilir.
Petroceltic şirkətin əsas aktivləri Əlcazairdə Ain Tsila qaz yatağıdır. Petroceltic bildirib ki,onun Əlcəzair aktivləri ilə bağlı sövdələşməni Əlcəzair hökümətidə təsdiq etməlidir.
Petroceltic İnternational – Mərkəzi Dublində olan İrland neft-qaz şirkətidir. Ümumi hasilat gündə 25 min barel neft təşkil edir. Şirkətin Əlcəzair, Bolqarıstan, Misir, Yunanıstan, İtaliya, Rumıniya və İraq Kürdüstanında layihələri var.
Dragon Oil plc Dubayda qeydiyyatdan keçmiş neft şirkətidir. Şirkətin əsas aktivi Xəzər dənizin Türkmənistan şelfində olan Çələkən blokudur. Dragon Oil şirkətinin həmçinin Tunisdə (Barga yatağı), İraqda (Block 9), Əfqanıstanda (Sandukly və Məzari-Şərif), Misirdə (Block 19) və Filippində (63 xidmət müqaviləsi) aktivləri var.
*2014-2016-cı illərdə Dragon Oil Çələkən blokuna $1,5 sərmayə yatırmaq niyyətindədir. Hasil edilən neftin bir hissəsi dünya bazarlarına Bakı-Tbilis-Ceyhan neft kəməri ilə ixrac edilir.