SOCAR Rumıniyanın yanacaqdoldurma xidmətləri bazarında 10% paya sahibi olmağa ümid edir. Bu barədə şirkətin məlumatında qeyd edilir.
“SOCAR Romania” şirkətinin (SOCAR-ın Rumıniyadakı törəməsi) rəhbəri Həmzə Kərimov Buxarestdə xarici sərmayəçilər sammitində çıxış edib.
Onun sözlərinə görə, SOCAR hazırda Rumıniyaya investisiya yatıran 10 ən böyük şirkətdən biridir.
H.Kərimov əlavə edib ki, hazırda Rumıniyanın 13 dairəsində SOCAR brendi altında 30 yanacaqdoldurma məntəqəsi fəaliyyət göstərir. “Qarşıya qoyulan əsas məqsədlərdən biri də bu sahədə Rumıniya bazarının 10%-nə sahib olmaqdır”, – deyə məlumatda qeyd olunur.
Əvvələr xəbər verildiri kimi, SOCAR 2011-ci ildən Rumıniyada fəaliyyətə başlayıb. SOCAR Rumıniyada 400 iş yeri yardıb və öz YDM şəbəkəsinin yaradılmasına və genişləndirilməsinə 50 milyon avrodan artıq sərmayə yatırıb.2014-cü ildə SOCAR-ın bu ölkədə YDM şəbəkəsinin genişləndirilməsinə sərmayələri 50 milyon avro təşkil edəcək. 2015-ci ildə şirkət Rumıniyada ən azı 10 YDM açmağı planlaşdırır.
