Bolqarıstan “Şahdəniz” qaz-kondensat yatağının işlənməsinin ikinci mərhələsi çərçivəsində Azərbaycan qazının qəbul nöqtəsini Trans-Adriatik qaz kəmərinin (TAP) tikintisi başa çatanadək müəyyənləşdirməlidir. Bu barədə jurnalistlərə SOCAR prezidenti Rövnəq Abdullayev bildirib.
Onun sözlərinə görə, “Bulgargaz” “Şahdəniz” layihəsi çərçivəsində 1 milyard kubmetr qazın satın alınmasına dair müqavilə imzalayıb və 2019-cu ilin sonunadək Türkiyə və ya Yunanıstan sərhədində qazın qəbul nöqtəsini müəyyənləşdirməlidir.
Bolqarıstanın qazı əsas tədarüklərin başlamasınadək əldə etmək niyyəti ilə bağlı sualı cavablandıran R.Abdullayev deyib ki, bunun üçün texniki şərait olmalıdır və bu məsələyə baxılmalıdır.
Qeyd edək ki, SOCAR və “Bulgargaz” bu ilin sentyabrında Bakıda “Bulgartransgaz” ilə niyyət və anlaşma memorandumu haqqında protokol imzalayıblar.
Əvvələr xəbər verildiyi ki,Bolqarıstan 2016-cı ildə Azərbaycan qazının alınmasını planlaşdırırdı. Gözlənilir ki,bu ilin payızında Yunanıstan ilə Bolqarıstan arasında birləşdirici inşası barədə yekun investitsiya qərarı qəbul ediləcək.
