Azərbaycan Respublikası Dövlət Neft Fondu 2014-cü ilin yanvar-sentyabr ayları ərzində 10 131,9 milyon manat gəlir əldə edib. Ötən ilin müvafiq dövründə bu göstərici 10 086,0 milyon manat olmuşdu. Bu haqda Dövlət Neft Fondunun bu gün açıqladığı məlumatda bildirilir.
9 ayda Neft Fondunun gəlirlərinin müqayisəli təsnifatı
| Gəlirlərin təsnifatı | 2014-cü il yanvar-sentyabr | 2013-cü il yanvar-sentyabr |
| neft və qaz sazişlərinin həyata keçirilməsi ilə bağlı gəlirləri | 9 969,6 milyon manat | 9 774,8 milyon manat |
| o cümlədən mənfəət neftinin və qazın satışından | 9 947,8 milyon manat | 9 766,8 milyon manat |
| tranzit gəlirləri | 6,8 milyon manat | 6,0 milyon manat |
| akrhesabı ödənişlər | 1,7 milyon manat | 1,7 milyon manat |
| bonus ödənişləri | 13,3 milyon manat | 0,3 milyon manat |
| Neft Fondunun vəsaitlərinin idarə olunmasından əldə olunan gəlirlər | 162,3 milyon manat | 311,2 milyon manat |
Caspian Barrel-in araşdırması göstərir ki, cari ildə Neft Fondunun gəlirləri mənfəət neftinin və qazın satışı maddəsi üzrə 181 milyon manat artıma malik olub. O cümlədən, bonus ödənişləri və tranzit gəlirlərində də müəyyən artımlar olub. Ancaq Neft Fondunun vəsaitlərinin idarə edilməsində demək olar ki, gəlirlər iki dəfə azalıb.
