Türkmənistan höküməti cari ilin yanvar-avqust aylarının yekunlarına görə qaz hasilatının və ixracının artırılmasını bəyan edib.
Ölkənin neftqaz sənayesi və mineral ehtiyatlar nazirliyinin məlumatında bildirilir ki, 2014-cü ilin 8 ayında təbii qaz və səmt qazı hasilatı ötən ilin müvafiq dövrü ilə müqayisədə 111,7% artıb. Ölkədən ixrac edilən qaz həcmləri isə keçən ilin 8 ayının göstəriciləri ilə müqayisədə 114,7% çoxalıb.
Qeyd edək ki, Türkmənistan Çinə, Rusiyaya və İrana qaz ixrac edir. Ancaq İran tərəfinin bu yaxınlarda yayadığı məlumata görə, onlar artıq ölkədə qaz hasilatının istehsalını artırdıqlarından Türkmənistandan ixraca ehtiyac görmürlər.
Türkmənistan 2009-cu ildən özünün neft və qaz statistikasını açıqlamır. Bununla bağlı yeganə dolğun informasiya ənbəyi ancaq illik ВРWorld Energy Statistical hesabatıdır. Bu il dərc olunan hesabatda bildirilir ki, 2013-cü ildə Türkmənistanda 11,4 mln ton neft və 62,3 mlrd kub metr qaz hasil edilib. Türkmənistanın daxili bazarında 6,3mln ton neft və 22,3 mlrd kub metr qaz istehlak edilib. Bu rəqəmlərdən çıxış edərək deyə bilərik ki, ötən il Türkmənistan təqribən 5,1 mln ton neft və 40 mlrd kub metr qaz ixrac edib.
