İtaliyanın ekologiya naziri Janluka Qaletti 13 sentyabrda Trans Adriatic Pipeline AG şirkətinin TAP kəmərinin İtaliya hissəsinin ekoloji tələblərə cavab verməsi barədə sərancamı imzalayıb.
Boru kəməri şirkətinin xəbərinə görə,layihə yerli icmalarnan müzakirələr,ictimayətlə məsləhətləşmələrdən,milli və regional hakimiyyət orqanları ilə əməkdaşlıqdan sonra qəbul olunub.
Ətraf mühitə layihənin təsirinin qiymətləndirilməsi haqqında yekun hesabat layihənin Avropa Birliyi və İtaliya qanunvericiliyi normalarına, Avropa Yenidənqurma və İnkişaf Bankı və Beynəlxalq Maliyyə Korporasiyasının beynəlxalq tələblərinə cavab verdiyini göstərir.
Boru kəmərinin ümumi uzunluğu 870 km-dir. Boru kəmərinin tikintisinə 2016-cı ildə başlanacaq. Boru kəməri ilə Şahdəniz yatağından ilk qaz Avropaya 2019-cu ildə nəql ediləcək.
TAP-ın səhmdarları aşağıdakılardır: BP (20%), ARDNŞ (20%), Statoil (20%), Fluxys (16%), Total (10%), E.ON (9%) və Axpo (5%).
