Rusiyanın energetika naziri Aleksandr Novak bildirib ki,əldə edilmiş öhdəliklərə əməl olunarsa oktyabrda Rusiya Ukraynaya qaz tədarükünü bərpa edə bilər.
Əvvələr xəbər verilirdi ki,cümə günü üçtərəfli danışıqlardan sonra Ukrayna tərəfi əvvələr tədarük edilmiş qaz üçün $3 milyard məbləğində olan borcu ödəmək öhdəliyi götürüb.
Avropa Komissiyasının sədr müavini Günter Ottinger bildirib ki, Ukrayna 2 milyard dolları 2014-cü ilin oktyabr ayının sonuna qədər, $1,1 milyardı isə 2014-cü ilin sonuna qədər ödəməlidir.
Onun sözlərinə görə,”Qazprom” ilk ödənişi aldıqdan sonra Ukraynaya min kub metr qaz üçün $385 qiymətindən 5 milyard kub metr qaz tədarük edəcək.
2014-cü ilin iyunundan “Qazprom” Ukraynanı əvvəlcədən ödəmə rejiminə keçirib. O vaxtdan qaz Ukraynaya faktiki olaraq tədarük edilmir.
Qazprom şirkətinin təxminlərinə görə,Naftoqaz Ukrayna şirkətinin ümumi borcu $5,3 milyard təşkil edir.
