2014-cü ilin yanvar-iyulunda Aktau beynəlxalq ticarət limanından ötən ilin analoji dövrünün 3.13 milyon tonuna qarşı 3.6 milyon ton neft və neft məhsulu daşınıb. Bu barədə limanın rəsmi saytında bildirlir.
Xatırladaq ki, 2013-cü il ərzində isə liman 6.28 milyon ton neft və neft məhsulu nəql etmişdi.
Aktau limanından nəql edilən neft yükünün bir hissəsi Bakıya daşınır və burdan isə dəmir yolları vasitəsilə Qara dəniz limanlarına göndərilir, digər hissəsi isə Bakı-Tbilisi-Ceyhan boru xəttinə vurulur.
Yanvar-iyulda Aktau limanı vasitəsilə 6.24 milyon ton yük nəql edilib. Yanvar-iyulda limana daxil olan gəmilərin sayı 1017 ədəd olub.
Ümumilikdə 2013-cü ildə Aktau limanından 10.08 milyon ton yük nəql edilib ki, bu da təsdiq edilmiş proqnozlardan 3.1% çoxdur.
