Dövlət Neft Şirkəti yanvar-iyun ayları ərzində Supsa limanından 1 milyon 452 min 574 ton xam neft ixrac edib.
Gün.Az şirkətə istinadən xəbər verir ki, bu göstərici ötən ilin müvafiq dövrü ilə müqayisədə 6,4 faiz artıqdır.
Bu ilin altı ayında Supsa limanından ixrac olunan xam neftin 242 min 39 tonu iyun ayının payına düşüb.İyun ayında bu limandan ixrac olunan xam neftin həcmi isə may ayındakı göstəricidən 15% artıq olub.
Dövlət Neft Şirkəti tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətə məxsus xam neft həcmlərini əks etdirir.
Xam neft Supsa limanına Bakı-Supsa kəməri adlandırılan Qərb İxrac Boru Kəməri vasitəsilə nəql olunur.
Bu boru kəməri ilə Xəzərin Azərbaycan sektorundakı “Azəri-Çıraq-Günəşli” yataqlarından çıxarılan neftin bir hissəsi (“Çıraq” yatağındakı neft) dünya bazarına daşınır.
