Reuters agentliyi xəbər verir ki, Avrasiya İqtisadi Komissiyası Qazaxıstana “Avro-2” markalı benizinin və dizel yanacağının satışını 2016-cı ilə qədər uzadılmasına icazə verib.
Müvafiq dəyişiliklər Gömrük İttifaqının texniki reqlamentinə edilib. Düzəlişlər Qazaxıstanın NEZ-na cari emal həcmi qoruyub saxlamağa imkan verəcək.
Dəyişikliklərə qədər qüvvədə olan texniki reqlament 2014-cü ilin yanvarın 1-dən Gömrük İttifaqı ərazisində “Avro-3” standartlarından aşağı yanacaq növlərinin dövriyyəsini qadağan edirdi.
Qazaxıstanda 3 neft emalı zavodu fəaliyyət göstərir. 2013-cü ildə ölkədə neft emalı həcmi 14.3 milyon ton neft, benzin istehsalı 2.7 milyon ton, dizel yanacağı 4.2 milyon ton təşkil edib.
2014-ci ildə Qazaxıstanda 14.4 milyon ton neftin emalı gözlənilir.
