Qazaxıstanın neft və qaz naziri Uzakbay Karabalin Kaşağan yatağının işlənməsinin kecikməsinə görə məyus olduqlarını bildirib, lakin eyni zamanda qeyd edib ki, layihəni həyata keçirən konsorsiuma təzyiq üçün heç bir hüquqi əsas görmür.
“Biz təzyiq göstərə bilmərik. Bu böyük və təhlükəli yataqdır və hüquqi təzyiqə heç bir əsas yoxdur”, – deyə nazir bildirib.
Əvvələr Qazaxıstanın iqtisadiyyat və büdcə planlaşdırması naziri Erbolat Dosayev etiraf etmişdi ki,Kaşağan 2014-cü ildə kommersiya hasilatı səviyyəsinə çatmayacaq. Yatağda hasilat keçən ilin sentyabrında qaz sızamsından sonra dayandırılmışdı.2013-cü ilin oktyabrında hasilat bərpa edildikdən dərhal sonra yeni sızma aşkarlanmışdı.
Layihədə “KazMunayQaz”, Eni, ExxonMobil, Royal Dutch Shell, Total və Inpex iştirak edir. Bundan əlavə Çinin CNPC şirkəti 8.33% payı “KazMunayGaz” şirkətindən alıb. Kaşağanın geoloji ehtiyatları 4,8 milyard ton həcmində qiymətləndirilir. Ümumi neft ehtiyatları 38 milyard barel, çıxarıla bilən ehtiyatlar 10 milyard barel, qaz ehtiyatları isə 1 trilyon kub metrdir.
