SOCARın vitse prezidenti Xoşbəxt Yusifzadə bildirib ki, aprelin 1-nə” Azəri-Çıraq-Günəşli” layihəsi çərçivəsində dünya bazarlarında 328 milyon ton xam neft satılıb ki, bundan da Azərbaycanın payına 175 milyon ton mənfəət neft düşüb.
Onun sözlərinə görə, 2013-cü ilin nəticələrinə görə, AÇG layihəsi çərçivəsində hasil edilmiş 32.7 milyon ton neftin 22.5 milyon tonu və ya 68% Azərbaycana çatıb.
Yusifzadə ölkədə neft və qaz hasilatında artımın əsasən “Azəri-Çıraq-Günəşli” və “Şahdəniz” yatağları hesabına təmin olunduğu vurğulayıb.
Birinci vitse-prezident həmçinin bildirib ki, hazırda AÇG-də olan 77 hasilat quyusundan hər ay orta hesabla 2.8 milyon ton neft və 1.1 milyard kub metr qaz hasil edilir.
AÇG-də 7 noyabr 1997-ci il tarixindən 1 aprel 2014-ə kimi 331 milyon ton neft və 94 milyard kub metr qaz hasil edilib.