Dünən Türkiyənin enerji və təbii ehtiyatlar naziri Taner Yıldız gözlənilməz bəyanatla çıxış edib. O, bəyan edib ki, Türkiyə TANAP qaz kəmərinin milliləşdirilməsi məsələsinə baxacaq.
Anadolu Agency-nin məlumatına görə, Taner Yıldız bu bəyanatı Ankarada keçirilən Enerji Forumunun açılış mərasımındəki çıxışında səsləndirib.
Yıldız daha sonra qeyd edib ki, TANAP-ın milliləşdirilməsi məsələsi Türkiyə hökumətinə bazar ertəsi (24 fevralda – Caspian Barrel) təqdim edilib.
Nazir bundan əlavə Forumda TANAP-la bağlı elə bir şey danışmayıb və fikirlərini “Cənub Qaz dəhlizi” üzərində qurub və bu arada Avropa ilə Türkiyənin problemlərinə də toxunub.
Qeyd edək ki, həmin Forumda “BP-Azerbaijan” şirkətinin prezidenti Qordon Birrel də çıxış edib və “Cənub Qaz dəhlizi” işə düşdüyü tərzdə bununla regionun enerji xəritəsinin dəyişəcəyini vurğulayıb.
