BP və tərəfdaşları çalışırlar ki, “Şahdəniz” qaz-kondensat yatağının işlənməsi üzrə “Mərhələ-1” layihəsi çərçivəsində 2014-cü ilin yekunlarına görə hasilatı 10,8 mlrd kub metrədək artırsınlar. Belə bir nəticəyə BP-Azerbaijan şirkətinin bu günlərdə ötən ilin yelunlarına dair yayadığı hesabatda məlumat verilir.
Sənədə əsasən, 2014-cü ilin axırına qədər hasilat gücünün təxminən 1 milyard 40 milyon standart kubfuta qədər, yəni gündəlik olaraq 29,7 milyon kubmetr səviyyəsinə çatdırılması planlaşdırılır.
“Şahdəniz” tərəfdaşları bu yaxınlarda 2014-cü ilin axırına qədər hasilat gücünün təxminən 1 milyard 40 milyon standart kubfuta qədər artırılması üçün şərtləri SOCAR ilə artıq razılaşdırıb.
Bu əldə edilərsə, onda “Şahdəniz” qaz-kondensat yatağının işlənməsi zamanı 2014-cü ilin sonunadək yataqda sutkalıq maksimum hasilatı 70 milyon standart kubfut və ya 2 milyon kubmetr artırılacaq.
Qeyd edək ki, hazırda mövcud qurğuların texniki optimallaşdırılması nəticəsində “Şahdəniz” hasilat sisteminin gündəlik maksimum gücü 970 milyon standart kubfut qaz (27,7 milyon kubmetr) təşkil edir.
* “Şahdəniz”də iştirak payları belədir: BP (texniki operator – 28,8%), SOCAR (kommersiya operatoru – 16,7%), Statoil (15,5%), LUKoil (10%), NİCO (10%), Total (10%) və TPAO (9%).
