Avropada qaz qiymətləri isti hava fonunda və anbarlardan qaz sərfinin az olması səbəbilə keçən ilin yayındakı qiymət səviyyəsinə enib. Çərşənbə günü qaz qiymətləri Britaniyanın ticarət platforması National Balancing Point (NBP)-də 1 milyon Britaniya istilik vahidi (min kubmetri $342-345) üçün 59.45-60 pens təşkil edirdi.
Belə aşağı qiymətlər Avropada keçən ilin yay aylarından hələ qeydə alınmamışdı. 2 ay əvvəl qeyd edilmiş mövsümü qiymət maksimumundan fərqli olaraq hal-hazırda qiymətlər 18% aşağı düşüb.
Avropada keçən istilik müvsümündə soyuqlar səbəbilə 2013-cü ilin martında qaz saxlama anbarları boşalmışdı.
Hazırda Britaniyanın qaz ehtiyatı anbarları 68.8% nisbətində dolub ki, bu rəqəm keçən il 54.5 % idi. Avropada bu göstərici müvafiq olaraq 56.3% və 53.5%-dir.
Lakin qiymətlərin düşməsinə və isti havaya baxmayaraq Rusiya qazının Avropaya ixracı yüksək səviyyədə qalır. Fevralın ilk 3 günü ərzində Qazprom-un keçmiş Sovet İttifaqı ölkələrinə istisna olmaqla ixracı keçən ilin eyni dövrü ilə müqayisədə 21% artıb.
