Maraqlı Xəbərlər

OPEC-in baş katibi neft sazişinə başqa ölkələrin də qoşulacağını gözləyir

Neft İxrac edən Ölkələr Təşkilatı (OPEC) gündəlik neft hasilatının azaldılması üzrə sazişə bu quruma daxil olmayan daha çox ölkənin qoşulacağını gözləyir. AZƏRTAC “RİA Novosti”yə istinadla xəbər verir ki, bunu OPEC-in baş katibi Məhəmməd Barkindo bəyan edib.

opec-generalO deyib: “Biz – OPEC ölkələri və OPEC üzvü olmayan 11 ölkə əməkdaşlığı davam etdiririk. Gözləyirik ki, OPEC-ə daxil olmayan başqa ölkələr, o cümlədən ABŞ da bizə qoşulacaq”.

OPEC ölkələri noyabrın 30-da keçirilən iclasda gündəlik neft hasilatını 1,2 milyon barrel azaldaraq 32,5 milyon barrelə çatdırmaq barədə razılığa gəliblər və bu planı təsdiq ediblər. OPEC üzvü olmayan ölkələr dekabrın 10-da gündəlik hasilatı ümumən 558 min barrel, o cümlədən Azərbaycan 35 min barrel azaltmağa razılaşıblar.

Saziş yanvar ayında qüvvəyə minəcək. İlin birinci yarısı üçün nəzərdə tutulan sazişin müddəti uzadıla bilər.