Azərbaycanda neft və qaz hasilatı açıqlandı

Yenə hasilatda kəskin azalmalar haqda rəsmi məlumatlar gündəmdə

2017-ci ilin yanvar-avqust aylarında Azərbaycanda neft hasilatı (qaz kondensatı da daxil olmaqla) 25 mln. 572,7 min ton təşkil edib ki, bu da 2016-cı ilin analoji dövrünün göstəricisindən 9,3% azdır. Bu barədə “İnterfaks-Azərbaycan” agentliyinə Dövlət Statistika Komitəsindən məlumat verilib.

Yanvar-avqust aylarında respublikada 25 mln. 538,5 min ton əmtəə nefti (azalma 9,3%) hasil olunub.

Hesabat dövründə 18 mlrd. 769,1 mln. kubmetr qaz (azalma6,4%) hasil olunub, əmtəə qazının hasilat həcmi isə 12 mlrd. 59,4 mln. kubmetr (azalma 4,1%) təşkil edib.

2016-cı ildə Azərbaycanda qaz kondensatı da daxil olmaqla, neft hasilatı 41 mln. 29,5 min ton, qaz hasilatı 29 mlrd. 331,3 mln. kubmetr təşkil edib.